Niyə Brave Kids?

NİYƏ BRAVE KIDS UŞAQ BAĞÇASI?

• • Uşağa fərdi inkişaf planı əsasında yanaşma
  • Gündə 10 saatlıq, həftədə 5 günlük xidmət
  • Online müşahidə kameraları
  • Sanitar-gigiyenik vəziyyətin davamlı yaxşılaşdırılması (dezinfeksiya tədbirləri)
  • Gündəlik tibbi nəzarət və pediatr müayinəsi
  • Valideynlər üçün həftəlik tədris və fəaliyyət hesabatı
  • Rüblük uşaq inkişafı qiymətləndirilməsi
  • Peşəkar işçi heyəti və onların davamlı təkmilləşdirilməsi
  • Uşaqların ehtiyaclarına fərdi yanaşma
  • Xüsusi təhlükəsizlik tədbirləri
  • Təhlükəsiz və sağlam mühit
  • Yanğından xüsusi mühafizə sistemi

Güclü və professional işçi heyəti

Hər bir uşaq öz fərdi xüsusiyyətləri ilə individualdır və bu səbəbdən fərdi yanaşma tələb edir. Bunu nəzərə alaraq, ‘’Brave Kids’’ komandası təcrübəli, psixoloji və pedaqoji cəhətdən tam hazırlıqlı ixtisaslaşmış bir heyətdən ibarətdir. İlkin şərtlərimiz qayğı, sevgi və diqqətlə əhatə olunmuş bir mühitdə sağlam və xoşbəxt gələcək yetişdirməkdir. Bu səbəbdən pedaqoq və tərbiyəçilərimiz daima öz üzərində  işləyən, bütün yenilikləri izləyən və tətbiq edən, mütəmadi olaraq inkişafetdirici təlimlərdə iştirak edən peşəkarlardan təşkil olunmuşdur. Hər bir valideyn müasir tələblərə cavab verən müasir düşüncəli övlada sahib olmaq istəyirsə, ‘’Brave Kids’’ onun arzuladığı ən münasib bağça ola bilər.                                

Qidalanma

Uşaqların fiziki və əqli inkişafı birbaşa sağlam və düzgün qida ilə bağlıdır. O səbəbdən bağçamızın mətbəxi bizim üçün çox önəmlidir. Belə ki, çoxçeşidli menyu təzə və təbii məhsullardan istifadə olunmaqla həkimin göstərişi və nəzarəti altında təcrübəli aşpaz tərəfindən tərtib olunur. Menyuya daxil olan qida məhsullarının mövsümə uyğun olaraq keyfiyyətli və müxtəlif vitaminlərlə zəngin olmasına xüsusi diqqət yetirilir. Əgər uşağın hər hansı bir qidaya allergiyası varsa, aşpaz həkimin göstərişi ilə menyuda korreksiya edə bilir. Bağçada menyu yalnız bağça daxilində hazırlanmış yeməklərdən tərtib olunmuşdur.

 Təhlükəsizlik

Bağçada təhlükəsizlik tədbirləri çox yüksək səviyyədə təşkil olunmuşdur. Belə ki, bağça yanğın zamanı xəbərdarlıq üçün siqnalizasiya sistemi, təhlükəsizlik kameraları, gücləndirilmiş mühafizə sistemi ilə təmin edilmişdir. Bağçada uşaqların davamiyyəti mütəmadi olaraq qeyd olunur və bu məlumat yalnız valideynlərə və ya uşaq üçün əvvəlcədən bağçaya təqdim olunmuş məsul şəxsə təhvil verilir. Bununla yanaşı uşaqlara həmçinin, təhlükəyə və çətinliyə, fövqəladə vəziyyətlərə, məişətdə ehtiyatlı olmağa, yol hərəkəti qaydalarına, təbiət hadisələrinə və yanğın zamanı davranış qaydalarına hazırlıqlı olmaq da öyrədilir.

Valideynlərlə əməkdaşlıq

“Brave Kids” online izləmə kameraları ilə təchiz olunaraq valideynlərin gün ərzində uşaqlarını müşahidə etməsinə şərait yaradır. Hər bir valideyni maraqlandıran istənilən hal və vəziyyət adminstrator və ya rəhbərlik tərəfindən işıqlandırılır. Bundan başqa bağça valideynlər üçün həftəlik və rüblük hesabatlar da hazırlayır. Uşaqların fəaliyyətləri haqqında valideynlə edilən əməkdaşlıq, uşaqların inkişafında böyük rol oynadığından bağça mütəmadi olaraq valideynlərlə müxtəlif tədbirlər həyata keçirir, onları Master Class-lara dəvət edir.